一裝修工人在報章刊登承接裝修工程廣告，承接分判商一項工程後，被拖欠超過一半工程費，雖用盡各種方法也無法聯絡分判商，追討無門，只得向《蘋果》求助。

「開十日工竟得個桔！鬼叫呢行冇合約，人哋死口唔認都冇計，遇人不淑，𠵱家想追就難過登天。」
自歎倒楣的黃先生向記者憶述事件始末：他早前在報章刊登廣告，徵求裝修工作；未幾有一位梁先生致電接洽，欲聘他到屯門一住宅進行裝修工程，雙方其後曾會面，並交換電話號碼及住址；梁先生更給他一張裝飾設計工程公司宣傳單張，自稱為工程公司負責人，專接裝修工程。

「呢行講個信字」
「見佢張宣傳廣告都登晒電話同公司名，重畀埋住址我，應該冇問題啦；呢行一向都係咁運作，你介紹我，我介紹你，大家講個信字，都唔會有乜嘢合約，咪應承去做囉！」
一臉無奈的黃先生續稱，當時雙方寫下單據，內容大致謂該工程合共6500元，分判商先付3000元，尚欠3500元等；單據雖有簽署，但內容甚為「馬虎」，當時他並沒留意。
黃先生於原定日期往開工，完成工程後聯絡梁先生追收欠款，「最初佢就話好快會畀，後來就成日都搵唔到佢，最後一次搵到佢，佢竟然惡人先告狀話：『我冇錢畀你㗎喇，你咪告我囉！』」他其後依地址上門訪尋，「屋裏面嘅人話根本冇呢個人，重搵保安趕我走！」