【熱烈地彈琴】徐小鳳精神爽利 偕劉美娟夫婦嘆雪糕
蘋果日報 2020/03/07 22:55
張崇德劉美娟徐小鳳
（右圖：IG圖片、資料圖片）
雖然香港去年因為社會運動，社會氣氛轉差；今年年頭，又因為武漢肺炎搞到全城撲罩，廁紙、米、就連M巾都要搶購，可謂有幾sad得幾sad。不過，真‧香港人近年一有喜慶事，必定邀請以波點裙作標誌的徐小鳳出場，一起來「熱烈地彈琴 熱烈地唱」。
而真‧小鳳姐終於「現身」！原來她與張崇德及劉美娟兩人見面，劉美娟今日在IG公開相片，相中3人一同戴上口罩，而已經71歲的小鳳姐，戴着粉紅色口罩相當可愛，而她看上去亦十分精神。劉美娟在post中透露：「可愛的小鳯姐話戴咗口罩仲靚啲，仲要一齊食雪糕。」劉美娟續指每次與小鳳姐見面都十分愉快，更落了「每次都笑到肚痛」的tag，看來小鳳姐依然風趣，而且腦筋靈活。不過今次小鳳姐出巡，未見她的招牌波點裝。
其實小鳳姐自2018年舉行演唱會後，已久未在幕前曝光，閒時養尊處優，相約朋友飲茶敘舊，去年底她曾到紅館睇台灣「金鐘歌王」費玉清的封咪前個唱；其後又去過捧劉松仁場，欣賞對方製作的音樂劇《利瑪竇》，仍活躍於社交圈。
《果GYM》隨身播 健身壹App過！
小鳳姐與劉美娟夫婦未有因武漢肺炎而取消聚會。（IG圖片）
劉美娟透露3人嘆雪糕。