尹蓁晞（Yumi）同拍拖年幾嘅陳偉成（Avis）分手，搞出壇「大龍鳳」，「佔領」娛樂版，噚晚兩個人又喺instagram針鋒相對，今日中午Yumi喺大埔出席中秋活動，坦言今年單身過中秋節會唔習慣，但就會搵朋友陪伴。

Yumi噚日喺社交網無啦啦留言話:「Imissyou」，前度Avis即刻喺instagram長篇大論話佢分手4日就掛住其他人，Yumi表示有睇過報道，佢話：「我諗佢係誤會咗啫，唔會嬲佢，同埋都唔想回應，大家分手都唔開心，想低調啲處理。」

Yumi又解釋其實佢只係留言俾一個台灣女性友人，對方之前來港住喺佢屋企，Yumi又話：「我都好掛住台灣，話晒之前住過幾年，之後都可能會去台灣旅行。」問佢會唔會索性識個台男拍拖？佢坦言唔介意異地戀，但以前未試過，o依擇偶條件係對方要成熟穩重。

陳偉成今日喺instagram放咗張相，話要「寄情工作」喎。