手機變新Look,折衷方法是換殼或換色,在手機商而言,唔使再抓破頭皮諗新型號新設計,用家亦毋須再花一筆買過部新機,用數十元就可以變身,若然是西門子2128用家,對住個舊Look開始生厭,現正是幫部機變身的時候,新殼有兩款:$98一個的淨色殼及$88一個的花紋殼。照理花紋殼畫多幾筆,價錢竟然比淨色殼平?皆因花紋殼只需將圖案印上去便可,而淨色殼就要用新顏色物料啤過隻新殼,手工同質感都會覺得淨色殼比較好。
另外,容祖兒代言的8008亦推出了珍珠白呢隻新顏色,自問對之前的香檳金確實有點抗拒,家陣覺得新版8008更靚仔,而無論是新色定舊色,手機商的建議售價都是$1,980,但若然出面街舖有出入都唔奇,新色當新機,賣貴啲都唔定!
記者、攝影:招佩珊
查詢:西門子客戶服務熱線(28611118)