汪明荃（汪阿姐）同羅家英將會再喺9月拍住拖演出，其中演《蝴蝶夫人》第一場會為樂善堂籌款，阿姐今日喺九龍城出席記者會，話今次再同樂善堂合作，而呢次「愛心保單計劃」知道有好多主席已買保險，而受惠者係樂善堂，保單每份都超過100萬。

高登巴打其實都有留意阿姐《蝴蝶夫人》look，仲話……阿姐似忍者亂太郎裡面嘅山田老師……好大的膽子！其實阿姐10年都演過，但合作對手唔係家英哥，今次再演家英哥都再執過劇本，所以會更完善。而之前阿姐喺日本學藝更大派用場，佢話：「呢個劇其中都要跳日本舞，之前我喺日本都學過歌舞，再跳番都好有興趣，我已經約咗日本老師再學習。」

另外，泰國華欣有爆炸事件，問到佢o依家世界各地都有好多危險事件，會唔會出埠小心啲？阿姐話：「好難講，有時避無可避，有啲特別緊張嘅地方唔去，希望大家都平和啲。」