當年今日

曾傳緋聞拒白花油王子贊助個唱
黎瑞恩三請顏福偉食檸檬

蘋果日報 2002/02/09 00:00


曾有傳力追黎瑞恩不果的「白花油王子」顏福偉,前晚自爆近日三度吃黎瑞恩檸檬的慘痛經歷。原來黎瑞恩不止拒絕顏福偉贊助她的演唱會,連顏福偉邀她剪綵和出席晚會,她亦婉拒。
有「白花油王子」之稱的顏福偉,年前曾與黎瑞恩傳出緋聞,有指顏福偉曾力追黎瑞恩,可惜襄王有心,神女無夢。黎瑞恩下月將開告別演唱會,並有計劃和男友、金利來太子爺曾智明結婚。
顏福偉前晚在大會堂舉行「白花油七十五周年聯歡晚會」,出席的除顏家上下外,還有余安安、呂少玲、區海倫和恒威集團太子女劉思蔚等。

公司代推辭
席上,顏福偉透露黎瑞恩再三請他「食檸檬」,他表示早知道黎瑞恩開演唱會,他說:「我一知佢開演唱會,就想贊助佢,都同佢傾過吓,不過見佢冇乜反應,後來咪不了了之囉!其實上次新舖開張,都搵過佢剪綵,佢公司代佢推咗,唔知係咪見太多亞視藝員,唔係咁方便啦!」
顏福偉指前晚亦有發邀請信邀請黎瑞恩出席,可惜對方最終都無出現。對於黎瑞恩結婚,顏福偉說:「唔知呢,都係睇報紙至知,好似話係開完演唱會之後。」會否飲喜酒?他說:「如果佢請我,一定會去,一場朋友,食餐飯都要啦,我一定恭喜佢!」

好姨創高峯
此外,好姨薛家燕前晚在活動上跟亞視的藝員總監陳圖安十分好傾,她說:「佢舊年有叫過我過檔,但係我覺得喺無綫做得好開心。尤其《皆大歡喜》重為我嘅事業再創高峯。」
採訪:顏英儀、王崇穎
攝影:羅德光