【韓流】11月襲港開騷 NU’EST弘大設專屬影院
NU’EST W
由ARON、JR、REN、旼泫及白虎組成嘅韓國五人男子組合NU'EST出道已經五年,早前四位成員參加人氣選秀節目《PRODUCE 101》而人氣急升,最終旼泫成功出線,成為限定男團Wanna One嘅成員之一,喺年半內旼泫將會暫停NU’EST嘅活動,四人嘅NU’EST就組成小分隊NU’EST W繼續活動。
NU’EST W早前已宣佈11月18號將會襲港,並攜同由德碩文化傳播有限公司主辦嘅演唱會見港迷,令唔少粉絲都超級期待。去年NU’EST主演嘅日本電影《素昧平生的兩人》本月初喺韓國上映,由於現時佢哋人氣好勁,所以17場嘅優先場全部售罄,位於弘大嘅戲院亦將其中一間影院打造成期間限定嘅「NU’EST專屬影院」,影院角落都有成員嘅蹤跡,唔少粉絲都來朝聖。
而NU’EST W上周就通過直播同粉絲交流,提及專屬影院,佢哋都大嘆難以置信,更興奮表示要「手牽手」一齊去睇電影,至於最想同粉絲做乜時,JR就話想同粉絲BBQ,然後圍住啲營火傾偈同唱歌。
NU’EST W下月將攜新專輯回歸樂壇,並先後公開各成員宣傳照及團體照。