王敏德(Michael)、岑麗香今日去到黃大仙中心，出席領展社區遊樂團啟動禮，與觀眾分享遊歷香港經驗，喺香港住咗近6年嘅香香就話，因為拍劇工作，而有機會去到平時好少會去嘅地方，香香話：「我自己好多地方都未去過，希望拍完o依齣劇之後，有多啲時間同強強放假二人世界。」

身為直升機師嘅Michael，經常駕直升機四處遊歷，佢話：「香港好多地方好少人去，我就好熟。」Michael建議香香拍拖可以到大龍山，佢話：「可以喺西貢坐船或者揸直升機去，不過要泊喺啲隱蔽地方，如果唔係俾政府鬧。」Michael讚香港有好多人跡罕至嘅美景，閒時都會帶老婆拍拖遊歷。