隔牆有耳：
喇沙晚宴講教劍心聲
財爺愛俾𡃁仔糟質 - 李八方
蘋果日報 2015/12/21 00:00
財爺曾俊華噚日喺網誌話，聖誕假期會喺屋企「閉關」準備明年嘅財政預算案，上周五仲同幾十名中學生會面聽意見。身為喇沙書院舊生嘅鬍鬚曾喺閉關前夕，前晚出席喇沙書院舊生會晚宴，致辭時不忘搞爛gag本色。
擅長劍擊嘅鬍鬚曾話呀，1995年開始返母校教劍，自己應該多謝喇沙喎，因為過去30年喺政府5天半工作，周六下晝回校教劍當做運動：「唔單止可以教吓劍，仲可以俾班𡃁仔糟質吓，呢個都係人生樂事」，惹起全場哄笑。
佢同時不忘認叻，話喇沙劍擊隊過去30年攞咗11年總冠軍，全場梗係拍掌叫好，當中以2011年成績最好，喺重劍、花劍、配劍三個項目都係學界第一名。佢話同一班師兄回校教導一班師弟都係唔收人工：「所以學校要炒我哋魷魚都係有一啲難度。」
擅長劍擊嘅鬍鬚曾話呀，1995年開始返母校教劍，自己應該多謝喇沙喎，因為過去30年喺政府5天半工作，周六下晝回校教劍當做運動：「唔單止可以教吓劍，仲可以俾班𡃁仔糟質吓，呢個都係人生樂事」，惹起全場哄笑。
佢同時不忘認叻，話喇沙劍擊隊過去30年攞咗11年總冠軍，全場梗係拍掌叫好，當中以2011年成績最好，喺重劍、花劍、配劍三個項目都係學界第一名。佢話同一班師兄回校教導一班師弟都係唔收人工：「所以學校要炒我哋魷魚都係有一啲難度。」
話後生過費sir 冇計劃退休
喇沙死敵係男拔，鬍鬚曾若有所指話：「有啲學校，唔講名啦，為咗贏我哋，乜都做得出，最近我喺facebook見到一句好好嘅說話，叫做『拔他校之萃』，形容得非常之貼切，但喺我喇沙係唔buy呢一套，咁多年嚟喇沙精神都係8個字：真材實料，不假外求！」口甜舌滑，全場old boys點會唔拍掌？喺fb經常呃like嘅男拔舊生田北俊，有冇還擊之意？
下年就65歲嘅鬍鬚曾話，近年成日俾人問佢有冇計劃退休：「我嘅答案好簡單，我冇計劃退休。費格遜都教到71歲，我同佢比，我好後生箒！」講到咁，唔通想選特首？
下年就65歲嘅鬍鬚曾話，近年成日俾人問佢有冇計劃退休：「我嘅答案好簡單，我冇計劃退休。費格遜都教到71歲，我同佢比，我好後生箒！」講到咁，唔通想選特首？
財爺前晚去喇沙舊生晚宴，身為鍵盤戰士嘅佢點少得「打卡」。