韓國「長腿Oppa」李敏鎬去年5月入伍，以公益兵身份當兵，當時李敏鎬係先履行公益兵任務，再等兵務廳安排訓練日期，上周四李敏鎬就要到忠清南道論山陸軍訓練所報到，接受四周基礎軍事訓練後再回歸原先嘅工作崗位。

上周四李敏鎬入伍時雖然下着毛毛雨，但粉絲都好有心，喺訓練所門外等候oppa，而李敏鎬亦有較低車窗同粉絲揮手道別。李敏鎬入咗訓練所後，佢喺訓練所嘅情況一直未有照片流出，直到今日訓練所方面就公開咗與李敏鎬同期嘅軍人嘅團體照。

只見穿上軍服嘅李敏鎬十分型仔，睇嚟好似都幾適應訓練所內嘅生活。

更多韓流，喺晒《娛果》
http://fb.com/appledailyent