如果喺香港見到日籍藝人呢個稱呼，真係好多都撈得唔錯，可能係因為有「日籍」呢個光環，再加上香港人多數都有崇日嘅心態，所以佢哋都撈得唔錯。

日籍女模Jun，然上圍得29AA，但係有五呎八吋高，腰圍仲只係得22吋，正宗model身形，當年同黃宗澤合作拍廣告，之後Bosco亦都成功「抄牌」，佢哋仲一撻即著。Jun都好犀利，喺日本同巴黎都有model公司簽佢，除咗日本市場，佢仲係好多歐洲brand嘅御用model添。

松岡李那（Linah）喺香港拍咗個快餐店廣告為港人熟悉，翌年組成日韓女子組合Girls Kingdom，成員包括田代麻衣、久保杏奈、蔡恩真同朴喜秀，以性感作招來，松岡憑住33C「蜜桃胸」成隊中靈魂人物。最緊仲有指洗米華(周焯華)帶咗松岡去安以軒嘅婚禮，之後仲流出兩人共舞攬腰片，同洗米華嘅緋聞傳得熱哄哄。

久保杏奈係松岡李那嘅師妹，不過就冇師姐咁出名喇，喺2012年佢就被發現同房祖名着情侶裝食飯，之後祖名仲車埋佢走，第二日久保杏奈被發現到訪祖名跟父母同住的九龍塘約道大宅，兩個仲一齊去睇Lady GaGa演唱會，久保曾經受訪時自爆鍾意鹹濕仔，講到祖名係唔係鹹濕仔，佢笑住話：「係㗎！每個男生都係鹹濕仔。」同樣喺12年9月嘅時候，發現久保同BIGBANG成員勝利撻着，公然在街上又拖又攬又啜。

除咗日籍女藝人之外，日籍男藝人都有，講緊嘅係方皓玟老公安田慎吾，安田曾經係香港男子組合R-ICE成員之一，去年仲同松岡李那翻唱90年代女子組合Face To Face嘅廣東舊歌《情迷Milano》，不過據知Shingo喺月前退團。