唔知大家仲記唔記得，幾耐冇俾正皮卓韻芝。好喇，當佢收起眼皮嗰兩點，打出胸口事業心，再以素顏示人，咁，就換番好多正評返嚟，仲贏得「卓韻芝BB」美譽。至於係咪女神？唔係。

物極就必反，見好要識收。但卓韻芝BB可能把心一橫，諗住都末日啦，就去到盡，日日用毒男至愛四眼look示人，前晚搞嘅末日party，請埋一眾好友及忠實fans出席，噢mygod，韻芝BB件白色超緊身衫，令佢本已驕人嘅上圍更加驕人。有啲相韻芝BB坐喺餐枱前，嗰種壓迫感大到……大到你以為佢可以「責」死張枱。

有男網民，要強調係男網民，喺韻芝BB嘅facebook，睇完啲相，就留言話﹕「咁你即係迫我打(？)﹗」亦有人網民鼓勵佢繼續發「？」圖。但高登仔今次唔賣帳，俾咗24個正評，119個負評……暫時。

既然2012.12.21冇末日冇奇蹟，咁韻芝BB，都係叫番負皮芝，好聽啲。