1995年亞視《今日睇真D》播「解剖羅玆威爾外星人」片段，轟動全城，仲分開幾集播出，引起全城熱話，當時仲係人人睇電視嘅年代，無綫同亞視要爭收視，余詠珊當年由無綫過檔，做亞視綜藝節目「揸fit人」，創《今日睇真啲》呢個節目嚟撼對台《城市追擊》。

點知亞視播完「解剖羅玆威爾外星人」影片後，過咗一個月即被爆條片係偽造(新聞連結： http://bit.ly/2jZkdcH )，58歲電視監製Spyros Melaris最近喺倫敦揭開秘密(新聞連結： http://bit.ly/2hvW5d0 )，片中嘅外星人屍體係由特效專家John Humphreys製作，內臟就係從肉舖買啲羊腦、雞內臟同豬蹄返去放入去凸眼外星嘅模型。

亞視呢單中伏事件，又再引起討論!

據當年有份參與嘅亞視幕後人今日同《蘋果》透露，當年亞視外星人段片係o依家無綫副總經理（節目及製作）杜之克買片返嚟，由於段片搵晒外國專家好勁咁，所以全部人信以為真，當年綜藝科總監余詠珊親自出馬，特別成立左個內部小組去搞呢單新聞，個小組好保密行動，得4、5個人，包括余詠珊、杜之克、監製梁偉雄同一個創作部高層，怎料後來證實影片造假後，節目收視下降，最終節目結束。