商業電台既廣播牌照今年屆滿，如果有意續牌最遲須要喺舊年8月底前提交續牌既申請。而商台既聲音廣播牌照將會喺2016年8月25日屆滿，根據牌照規定，商業電台舊年應該已經向通訊局提交續牌申請。

根據《電訊條例》，通訊局喺今年5月25日前，就商台續牌應施加既條款及條件，向行政會議提交建議。

喺呢個準備續牌既時候，商台噚晚喺一年一度佢哋電台最大事件叱咤頒獎禮上，將最大獎項「叱咤我最喜愛的歌曲大獎」頒俾《撐起雨傘》，有份唱呢首歌嘅葉德嫻、何韻詩、黃耀明等人上台唱歌，台下觀眾撐起黃傘，場面動容，但令個頒獎禮平添一點政治味道，佢哋唔知會唔會擔心影響續牌，叱咤903事務經理謝茜嘉表示：「今次係個音樂性嘅頒獎禮，一如往年我最喜愛歌曲都係由聽眾、經過幾輪投票，到今晚現場觀眾再投，只係一個投票反映，唔覺得係一個音樂頒獎禮，要Relay咁多野，年年都係咁做。」

謝茜嘉仲話唔怕會變得政治化，佢話：「我哋年年係咁，唔會特別今年不同，從來都要專業推界同樂迷投票。」而台下觀眾亦可舉傘表態，謝茜嘉稱：「尊重觀眾，呢個係佢哋嘅自由。」