下周三是梁詠琪（GiGi）43歲生日，連日來已有不少朋友為她慶祝生日，當中包括西班牙籍老公Sergio，而Sergio為o氹老婆開心，更加為GiGi準了一個驚喜飯局。今日GiGi在社交網放了兩段短片，短片開首影着GiGi和老公及囡囡Sofia，推門進入一間相信是酒店中餐廳的房間，入房後GiGi首先發現餐桌上有一個熟悉的玩具公仔，表現得十分好奇，正當想問老公為何時，鏡頭影着她望向另一方，然後便忍不住爆笑，原來Sergio和GiGi經理人夾埋瞞着她，約了她的好姊妹楊采妮(Charlie)和其他朋友，為她慶祝生日。

GiGi除了在短片中加上有趣字幕，例如形容老公「黑人問號？？？」、「Papa演技大爆發」等，又留言說：「話說老公這晚話約咗西班牙朋友餞行，我都好奇上個禮拜咪餞咗囉...又餞？？？原來夾好咗...搞到我差d喊，不過又實在太好笑！感動！」GiGi續自爆：「從來身邊的人話去邊同做乜，我都係好似鴨仔咁follow多過質疑，所以要Surprise我真係太easy冇難度...大家滿足感大增！哈哈！我那麼好騙，真的可以玩到80歲！」

而當晚跟GiGi同樣素顏出現的Charlie，見到老友的驚訝反應兼笑到彎腰，似乎相當有成功感，除了不停大笑，又跟Sergio來個擁抱，為成功炮製驚喜給GiGi感到高興，GiGi則像小朋友一樣，拿着公仔笑得十分開心。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI