身為世界盃大使的Bosco，打籃球、踢足球和游水樣樣精。「我以前跟朋友踢波係做守龍門，但𠵱家工作太忙，平均每個月只可打一次籃球，要踢波就麻煩啲，要湊夠人數較難。」
Bosco是荷蘭隊fans，點解？「巴西實在太多支持者，英格蘭又多fans，荷蘭係黑馬，我要鋤強扶弱。其實我本身鍾意古烈治，好記得佢個『寶黛麗』辮子頭，係一種情意結。」

為了當上世界盃大使，Bosco說有5件事是他在世界盃期間必做。

雖然Bosco是荷蘭隊fans，但沒有刻意去儲荷蘭隊球衣。「如果見到特別嘅都會買，但有朋友知道我做咗世界盃大使，送咗70年代出產嘅巴西球衣畀我，計落都已有十件八件。」Bosco，荷蘭隊橙色球衣夠sharp醒，襯埋橙色足球和波鞋就最型啦！一於全套上陣。

荷蘭隊波衫$479
荷蘭隊波褲$219
波襪$89
荷蘭隊足球$199
AirZoomtotal90IIIFG波boot$989

（AllfromNike28955668）

Bosco話睇波要飲汽水、食花生，坐得多食得多，好容易養個大肚腩，要快啲keep住令肌肉結實，所以佢閒時會做纖體機。「做機只要30分鐘就可以幫我重整腹部線條，練番6嚿腹肌出嚟。但我嫌唔夠喉，仲會做掌上壓，不過係坐喺度做，平均每日會做100下，咁就最fit喇！」
其實要快速收肚腩，除了做運動，最直接的方法就是靠機器幫助，有些纖體搣脂機會利用真空負壓力原理，重塑身體最fit線條，令你腹肌重現。

「我好鍾意古銅色皮膚，做世界盃大使膚色當然要健康，我有時間就會去沙灘曬足半日，但開工無時間就會去曬太陽燈，曬前會先塗保護皮膚的太陽油，仲要係零度數，曬10分鐘就得。」
通常太陽燈機都呈圓筒形，躺在機內，胸部和背部都可以均勻曬黑，所需時間短，每次只曬9分鐘。開始時要隔日曬（最少讓皮膚休息24小時），曬4至5次後，膚色有明顯轉變，以後每星期曬1次就可以。

唔好以為係女仔先會做facial，Bosco喺睇波期間，最重要嘅係做護膚程序。他說因為放工後即刻返屋企睇波，即使捱眼瞓睇通宵都要睇，所以好易令面部皮膚變乾，做面部保濕鎖水護理，就可以令自己上鏡時顯得精神一點，咁睇幾多個通宵都冇人覺佢攰。

晚晚睇波好易令人熱氣上升，Bosco就會多食含維他命Ｃ和清熱的食物和飲品。「我最鍾意飲花膠湯，護膚嘛！仲有薏米水和食西瓜，一見到就唔會放過，一日可以飲1公升薏米水，因有清熱祛濕效果，皮膚自然少出暗瘡。而西瓜含纖維質和維他命C，可幫助腸臟蠕動，有助排毒、抗氧化和抗衰老。」

水柔肌膚鎖水面部護理　$680/75分鐘
P.R.Cell纖體搣脂　$480/30分鐘（首次試做可獲半價）　
太陽燈日光護理　$180/9分鐘

OasisHomme（28343688）