【影視博覽】泰北拍戲條件差惹不滿 監製尹天照親自煲椰子雞湯補數
尹天照葉家寶張文慈創世電視
基督教組織影音使團的電影《奇蹟十三》今日於會展的影視博覽舉行祝願活動,出席藝人包括有尹天照、張文慈、楊英偉等。
尹天照為《奇蹟十三》擔任監製,乃第二次出任監製一職,他表示:「今次多人就辛苦啲,去泰北拍攝食物各方面都唔係幾好,我好似個打雜咁要控制大家嘅情緒。」張文慈於一旁表示:「我哋爆過一次大鑊,我當時係喊住咁走,不過大家都好熟,我發脾氣走咗之後轉個頭都返番去。」
張文慈話:「我都有Say Sorry嘅,不過佢(尹天照)唔夠溫柔呀,畀壓力我。不過我都知道佢想我好,好快冇事。」經此一役有否加深默契?張文慈說:「好起上嚟可以好好㗎!有一場求婚戲感覺好sweet,我當時唔知佢(尹天照)會求婚,一take過,係自然反應。我去到時只係知我哋會喺度拍拖,而唔係求婚。」
尹天照說:「當時其實我哋係冇劇本,場地又冇訂,仲要冇道具。惟有自己諗方法,仲同當地啲人話『好快拍完!畀一兩分鐘我。』」至於為何安排如此混亂?尹天照解釋:「食嘢方面其實好多演員不滿,係安排失當。中間亦都發生好多事,所以我都萬歲補數,喺當地親自買啲走地雞煲椰子雞湯。」
創世電視總監葉家寶今日出席影視博覽,他透露《奇蹟十三》是網絡電影《逆天行者》的前傳,會將《奇》剪輯大陸版本,在大陸戲院播映。《奇》劇內容涉及宗教等議題,所以在大陸上映會有限制,葉家寶透露因此要剪一個合適版本,劇集主題是追求正義拯救普世價值,觀點正面。
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
影音使團電影《奇蹟十三》今日於會展的影視博覽舉行祝願活動。
他表示:「今次去泰北拍攝,食物啊各方面都唔係幾好,我自己好似個打雜咁要控制大家嘅情緒。」
張文慈於一旁表示:「我哋爆過一次大鑊,我當時係喊住咁走。」
創世電視總監葉家寶表示會將《奇》剪輯一個大陸版本,在大陸戲院播映。