【韓流】gu9udan率先襲港為見面會造勢 金世正讚港人溫暖同活力

蘋果日報 2018/03/24 20:34

見面會gu9udan
    韓國9人女團gu9udan將於聽日喺旺角麥花臣場館舉行由德碩文化傳播有限公司主辦嘅《2018 gu9udan 1st ASIA TOUR: LIVE SHOW in HONG KONG》見面會，同港迷見面。
    而gu9udan今日率先來港，晚上出席於觀塘舉行嘅演唱會記者會，佢哋一出場全場Fans即發出尖叫歡迎佢哋，佢哋見到現場Fans即揮手打招呼，大部份成員都用普通話打招呼，唯獨Mina同金世正就用廣東話同大家打招呼，Mina話：「你哋好，我係Mina。」金世正就話：「見到你哋好開心。」
    大會安排巨型賀卡等佢哋畫公仔送畀港迷，再應大會要求同Fans影大合照；金世正喺大合照時就用普通話講：「你們想我們嗎？」再用韓文話聽晚見面會用咗好多心機準備，希望大家鍾意睇啦。
    對於第一次來港開騷心情點，gu9udan話第一次來港開騷好開心，好榮幸，希望聽日快啲見到Fans，又透露聽日準備咗表演及遊戲見港迷，亦有特別環節。至於聽晚會唔會唱廣東歌時，佢哋就話秘密。
    提到香港美食時，Mina就話想試叉燒包，其他成員就大讚蛋撻，試完大讚好食。Sally曾來講玩過三次，再來感覺好親切。其他成員都希望有時間一齊去行街，金世正亦想同隊友去尖沙嘴，同時又讚香港人好溫暖同好有活力，覺得香港風景好靚。對於早前與朴寶劍合作時嘅感覺，金世正就大讚朴寶劍整個人都好好及好有禮貌，想同佢來香港拍廣告畀大家睇。

    更多韓流，喺晒《娛果》
    http://fb.com/appledailyent
    empty
    攝影：仇志德
    empty
    gu9udan今日率先來港，晚上出席於觀塘舉行嘅演唱會記者會。
    empty
    empty
    對於第一次來港開騷心情點，gu9udan話第一次來港開騷好開心，好榮幸。
    empty
    empty
    提到香港美食時，Mina就話想試叉燒包，其他成員就大讚蛋撻。