【點解嘅?】思想有問題馬勝出!徐雨石:羅理雅真夠薑
羅理雅徐雨石勁嘉輝炒飯哥
外號炒飯哥的騎師羅理雅,剛周日(10日)憑「紅衣醒神」首勝香港國際賽,亦是個人在港首勝一級賽,名利雙收。
這晚(13日)移師谷中,炒飯哥繼續炒入凱旋門,第五場四班一哩夥拍徐雨石馬房「勁嘉輝」後上一攻而破,這匹七歲馬落飛得手,以次熱門身份打破今季齋缽,單Win及組合獨贏A2分別派45及22.5元。
「勁嘉輝」以往得1冠7亞5季易位難贏,而羅理雅今晚賽前九次策「勁嘉輝」,得3亞1季未贏過,所以此駒今場被落飛至綠燈4.5倍,似乎落飛黨有水晶球知道會有突破。
結果「勁嘉輝」冇令落飛黨失望,沿途留住穩守內叠第十位,有晒遮擋好好跑,末段一見有空位,炒飯哥即狂鞭座騎殺上,就此贏1.25馬位,擊敗所有對手取勝,人馬都有出色表現。
徐雨石大讚羅理雅真係夠薑,在內欄等位,好彩馬群散開,否則未能望空便情況堪虞,難怪石哥大讚炒飯哥藝高人膽大。
徐雨石又表示「勁嘉輝」之前有段時間表現比較反覆,他解釋可能馬匹思想上出現了問題,以致表現欠穩,希望今場取勝後可續有好表現。
第五場開出熱頭冷腳,二至四名都係半冷或冷馬,依次為「玩得喜」、「神乎其技」及「永益善」,四重彩派13萬幾。