韓國女星孫藝珍夥拍男星丁海寅主演嘅熱播韓劇《經常請吃飯的漂亮姐姐》（漂亮姐姐）於上月大結局，劇組上月尾拉隊到日本旅行慶功，孫藝珍、丁海寅劇裏戲外都好親密，就算玩機動遊戲都一齊坐，唔少劇迷希望兩人喺現實世界都喺埋一齊。

放完假孫藝珍及丁海寅就要投入工作，丁海寅大前日到泰國進行粉絲見面會，孫藝珍就飛到法國為雜誌影新相。孫藝珍又趁機喺當地旅行，今日喺Instagram上載自己身穿輕便服裝行街嘅相，由於孫藝珍穿上白色上衣，令佢隱約透Bra晒性感，丁海寅仲立即畀心心Like「姐姐」嘅新相0添。至於同行嘅工作人員亦上載咗與孫藝珍嘅合照，相中孫藝珍就換上吊帶裙晒S形身材。

另外，丁海寅憑《漂亮姐姐》上位做男神，令佢身價上漲兼接拍多個廣告，服裝品牌噚日就公開咗佢與女團DIA成員鄭采妍嘅新相。

更多韓流，喺晒《娛果》
http://fb.com/appledailyent