馬浚偉與顧美華主演嘅舞台劇《生前約死後》，今日喺深水埗舉行記者會，《生》劇係馬浚偉第二個自編自導自演及監製嘅舞台劇，該劇將於明年1月5日起於灣仔藝術中心公演，暫定11場。

馬浚偉表示，現在每天排練，馬仔話：「我對美華姐好有信心，最長嘅五頁紙對白佢都背晒。」講到顧美華今次唔收錢，馬浚偉話：「我哋會分紅，誠意搭夠，因為我哋係小本經營。」今次簽約顧美華成為旗下藝人，馬浚偉話：「都諗咗幾年簽咩人，美華姐係我哋公司第一個簽嘅藝人，公司會全力照顧佢，簽佢唔係為賺錢，會安排佢想做嘅工作。」

顧美華首次參與舞台劇，佢話：「好新鮮但係好大壓力，同拍電影好唔同，好彩得到馬浚偉嘅鼓勵，見到個後生仔咁有誠意，錢唔係問題，不過真係幾辛苦，所以下次唔會再演舞台劇。」

精選娛聞，喺晒《娛果》
http://fb.com/appledailyent