陳君宜、莊端兒同朱慧敏喺尖沙咀出席珠寶小姐競選活動，將會卸任嘅莊端兒係上屆季軍，依家喺諸葛紫岐公司旗下，對於之前傳佢老闆娘同老公薛嘉麟婚變，佢話:「佢幾開心，報道出咗，但私人嘢唔問咁多，但最近有報道話佢哋好好，應該冇事。」佢話平時見佢哋夫婦都好恩愛，但只係喺開大會先見到薛生。而佢稍後會同男友張致恒去大阪玩，問佢哋關係好好，佢開心話:「好Sweet！佢啱啱拍完劇，之後就去旅行。」

另外，陳君宜負責做活動嘅評判，事前會訓練佳麗，佢話:「我覺得外在靚，內在都要靚，咁先會狀態佳，每刻都表現最佳。」