日本型男速水直道早排嚟咗香港舉行粉絲聚會，仲為佢自己個烹飪節目《MOCO廚房》拍攝特輯，由今日開始一連五日喺日本NTV台節目《ZIP！》中播出。由於速水個烹飪節目都會喺香港NOWTV播出，唔知係特別安排定係咁啱得咁橋，速水喺香港其間，經過街上面就發現自己個節目部宣傳車，佢走埋去指住自己猛咁話：「真人嚟㗎、真人嚟㗎！」佢喺節目仲搞笑咁自嘲：「冇人認得我！」

速水今次來港拍攝特輯，走勻港九就係為咗搵食，今日嗰集佢就去咗好多日本人嚟香港都要去食嘅甜品芒果糯米糍，佢主要都去搵甜品，不過，佢去到尖東海旁時，就唔好彩遇正落雨，後面啲景色都唔多清楚。