北京發展（154）有個實力雄厚嘅股東，對佢日後獲業務壯大或變身，有想像空間，煲得過。北發主要股東係北控（392），控股企業實力，勁掂。而啱先喺今年9月，北發就公佈向控股股東北控發股及發CB，集足銀彈，喺適當時機，開拓新業務。雖則集資仲要等好似EGM表決兼落實，但呢壇製作睇，北發靜極思動，聞到有味。再講，北發手頭揸住淨現金6億銀，財政乾乾淨淨，而喺集團出售埋「一卡通」之後，再無重要業務，對北發嚟講，本身亦有業務壯大嘅需要。而北發上邊計劃中嘅配股及CB換股價1.13元，相對現價（1.25元）折讓一成唔夠。趁集團仲喺貼近海嘯價，擺中線博變身，隨時係翻一番嘅冷門選擇。