韓劇《愛上Pinocchio》男星金英光近日忙於拍攝JTBC新劇《D-Day》，前日金英光結束京畿道片場嘅拍攝工作後，喺趕返去首爾嘅途中，金英光乘坐嘅車輛遇交通意外。

據同場嘅人士透露意外唔算嚴重，只係輕微追撞。事故發生後，當日嘅拍攝工作亦因而臨時中斷，金英光亦進行咗短暫嘅休息。

金英光所屬嘅經理人公司就話：「我哋都勸金英光要多啲休息，但佢本人嘅意志好強大，堅持參與咗第日（即10月5日）嘅拍攝工作。佢傷勢並唔嚴重，粉絲們唔駛擔心，金英光對於電視劇《D-Day》嘅熱情真係好投入。」