協會邀請咗地區、公務員、工商同專業界人士組成65隊作賽,每隊配對一個過去兩年都冇接受過政府資助嘅非牟利機構,如果佢哋夥拍嘅球隊晉級,獲得嘅資助金額就越高。舉例第一場輸波,獲得嘅資助金額僅5萬;若然攞到「特首盃」,坐底有30萬!嘩!輸波都有資助?邊有咁大隻蛤乸隨街跳?
有政界中人話,梁粉以慈善足球之名大灑金錢,仲以「特首盃」命名,擺明想幫民望低落嘅狼英收買人心。要派錢都要有金主,協會過去一直揼心口籌款,認咗頭會捐嘅據知已逾千萬。邊個係「大水喉」?恒基副主席李家傑同施榮懷做會長嘅廠商會榜上有名,但佢哋願冠名贊助亦預咗,較意外嘅係李嘉誠細仔李澤楷旗下嘅盈科拓展集團,竟然都有份冠名贊助!到底係狼英抑或小小超變咗?新鴻基、恒基同麗新亦有份科水幫拖。
李八方
mailto:
[email protected]