3D武俠電影《白髮魔女傳之明月天國》噚日舉行記者會，范冰冰同黃曉明都有出席，期間兩個仲鬧着玩互寸對方。

喺戲入面，范冰冰同黃曉明係一對情侶，而喺戲外，兩個就成日鬥嘴，挑戰對方嘅底線。

范冰冰話黃曉明係唔識得拒絕嘅「濫好人」，而黃曉明就話冰冰可能太過霸氣：「當朋友很好，做情侶很累。」

講到對方嘅優點，黃曉明就大讚冰冰：「冰冰人很美，有錢，太有錢了，有可能是娛樂圈最有錢的。」但冰冰就寸返曉明話：「我哪有曉明有錢，我有錢也沒給別人送一輛林寶堅尼。」

現場嘅傳媒就追問兩個人嘅感情問題，冰冰就大方承認已有男朋友，但至於係邊個就要保密。佢話：「有些人選擇不想公開，有些人願意公開，我決定先扛著，抗不了再說。」唔通呢個男朋友，就係緋聞男友李治廷？

黃曉明話自己其實一直唔係刻意去避開個人情感問題：「就是覺得這樣對製片方不太公平，如果只是娛樂一下，我覺得無所謂。」

不過，冰冰對於自己花落誰家就留有伏筆，佢承諾話：「如果《白髮魔女》票房10億就公布男友。」同時，佢又再寸一寸黃曉明：「票房過兩億你就結婚。」