美斯30歲生日快樂！30年前嘅今日，一位初生嬰兒嘅阿根廷羅沙里奧呱呱落地，相時當時冇人估得到，佢喺30年後以超凡球技征服世人，成為一代球王。唔少球迷都以「#messi30」嘅hashtag，向美斯講聲生日快樂，其中最多人回帶嘅相，係佢初出茅廬升上巴塞隆拿一隊時，喺2004至06兩個球季着上30號波衫，當時美斯只係未夠20歲嘅小伙子，難怪好多球迷都感慨萬千，多謝美斯帶畀佢哋咁多難忘時刻。

美斯30大壽點慶祝？可能要忙住籌備本月30日（下周五）同女友安東莉娜嘅睹禮事宜，但安東莉娜就率先喺instagram上載一張浪漫照片，剪影見到佢同美斯煙韌咀嘴，仲配上caption：「我嘅摯愛生日快樂！我哋愛你呀老嘢！」媽好閃呀！