【不斷求新增值】搞生意唔會攞老本博命 商天娥寧做小股東冇壓力

蘋果日報 2018/12/29 17:38

增值投資商天娥
    商天娥今日以家電產品代言人現身銅鑼灣，跟品牌亦踏入合作嘅第12個年頭。娥姐指近年經濟低迷，家電產品都要不斷求新，正如佢雖然有一段時間冇拍劇，但都會參演舞台劇增值自己，甚至有興趣挑戰音樂劇。
    娥姐近年同朋友合資到台灣、泰國及馬來西亞等地經營生意，佢話：「都係飲食生意，小本經營，大型就無謂，唔好拎老本咁搏，香港都有人搵舖位，仲叫我佔四成，我話兩成好，小小地冇壓力下玩吓，我哋都係畀吓意見，因為兩公婆對飲食都八卦，成日去試嘢食。」
    另外亦有朋友推介佢喺東南亞置業投資，娥姐話：「我發覺啲錢袋喺自己度最安樂，睇吓明年香港（樓市）情況，再睇下會否投資。」原定農曆年計劃去北海道旅行，但得知當地大風雪，o依家打算取消行程。
    精選娛聞，喺晒《娛果》
    http://fb.com/appledailyent
    empty
    娥姐話有搞吓小生意，但唔會放太多錢落去。