當年今日
關於我們

【6.22公投】文恩澄親身投票 籲大家以正面情緒抗爭

蘋果日報 2014/06/22 06:00

蘋果一國兩制文恩澄投票即時實體

文恩澄今日都係尖沙嘴實體投票,佢話自己投咗電子票,但驚黑客太犀利,擔心自己明明係想出分力,但做完等如冇做,故此今日親身再投。

問佢點解出嚟投票?文恩澄謂:「我自細就唔留意政治,直至近一兩年發生好多事。我係香港出世,如果居住嘅地方有唔妥,冇理由唔出聲。即使政府唔承認今次投票,但長期戰爭就係咁樣,好多嘢唔係即時有效果,但要俾政府知,我哋有呢個訴求。」

文恩澄謂,最想見到有真正普選,並謂:「其實唔止香港人,世界各地都想領導人自己選出嚟。」

如果可再多個訴求,文恩澄就話係爭取動物權益,如動物警察、監控私人繁殖場等等。

頭先問港版半澤陸駿光,點睇藝人於微博被滅聲,陸駿光就話一早預咗啦;文恩澄都係呢句:「預咗啦!」並謂:「根本佢哋想點就點,佢哋有自己法律,0依家話一國兩制,我尊重每個國家法律,亦proudof中國,但協議在先,有一國兩制,望佢哋尊重。(一國兩制已死?)仍抱有希望,香港係自己屋企,亦希望大家有正面情緒,去做呢個抗爭。」