曾出演韓國選秀節目《PRODUCE 101》男團版嘅張文福，雖然最終未能夠成功晉身頭11名出線，不過佢因為出演節目亦人氣急升，加上佢曾於2010年時參加過《SUPER STAR K2》，令佢被稱為韓國Hip-hop大統領張文福。

繼出演《PRODUCE 101》而推出嘅限定男團Wanna One將於下月3號及4號喺亞博館舉行粉絲見面會後，張文福亦落實於下月8號首度襲港見粉絲，到時佢會於下午6時到鑽石山荷里活廣場舉利「張文福首個香港見面會」，今次係佢首個海外活動，為咗答謝港迷，張文福仲秘密苦練廣東話，希望到時拉近同港迷嘅距離。