【針終於拮到肉】闊別幕前6年有壓力 林珊珊:我學識對藝人好啲
鄭丹瑞葛民輝車淑梅林海峰黃凱芹廣播林珊珊周國豐何嘉麗廣播道開咪三個小神仙
林珊珊同周國豐今日谷珊珊主持嘅新節目《廣播道開咪》
林珊珊同周國豐今日現身尖沙嘴介紹將於本周六起播放,由林珊珊主持嘅節目《廣播道開咪》,適逢今年係香港廣播90週年,港台就誠邀珊珊復出幕前,跟鄭丹瑞、車淑梅、葛民輝及黃凱芹等喺廣播事業上有代表性嘅人分享廣播史,周國豐指邀請珊珊主持因為對方人緣好、復出幕前有新鮮感兼善於控制氣氛。
去年尾收到邀請,珊珊至今年4月才答應,因為佢要睇自己期表,又要思考怎樣才能做好,而期間亦開始減肥收身。珊珊話自己經已10幾年冇做電台,對上一次幕前工作已經係6年多前電視節目,佢笑住話:「太耐冇面對鏡頭,所以壓力都好大,瞓唔到覺,我平時對藝人要求好高,今次令我好明白藝人要內外自律,我o依家學識對藝人會好啲。」
珊珊原本計劃首集邀請以前節目《三個小神仙》拍檔做嘉賓,可惜夾唔到何嘉麗檔期,最後由鄭丹瑞做首集嘉賓,亦令佢可以好好熱身熟習錄影。至於點解嘉賓名單有阿葛而冇細佬林海峰?珊珊話:「佢唔想,因為佢見到我就習慣唔會講嘢。」
精選娛聞,喺晒《娛果》
http://fb.com/appledailyent