0靚模出嫁，你諗起乜嘢？

當然係佢哋個婚紗look，出道以ECupBaby做賣點、34E巨咪嘅劉欣宜，前年獲音樂人男友陳子敏喺戲院求婚，佢喊住答應出嫁，呢對準新人婚期訂咗明年3月底，距離婚期仲有半年多，劉欣宜都開始着心籌備，首要當要係影輯靚靚婚紗相做紀念。

工欲善其事，必先利其器，劉欣宜搵咗「綠魔」Karl同佢揀婚紗，Karl噚日仲喺facebook貼咗啲相，劉欣宜喺婚紗店揀晚裝同低胸婚紗，好靚靚，待嫁新娘子，特別明艷照人。

劉欣宜貼咗相喺fb仲留言：「按捺不住要跟大家分享，眼看大日子一步一步迫近，心情有一種莫名其妙的緊張，選禮服真是一大難題，婚紗禮服美到讓人窒息。睇嚟我要為婚禮好好最後keepfit衝刺先得啦！好肥妹呀！」

Karl仲同劉欣宜玩自拍：「待嫁新娘試上婚紗的一刻，果然掛着格外幸福的笑容。朋友仔Miyoko即將出嫁了，以前跟你工作拍婚紗雜誌時，你總愛挑選日系Kawaii的款式，現在大個女了...要保守華麗的，試婚紗時還會照顧老公仔的意見，SoSweet!答應過你出嫁時會替你挑嫁衣扮靚，BeaHappy陳太!」相中仲見到準新郎陳子敏好有耐性坐埋一邊等老婆仔慢慢揀。

淡出幕前，轉咗做空姐嘅劉欣宜今日接受《蘋果》訪問，難掩興奮，佢話：「婚期係3月尾，我哋到時擺28圍，呢時間我最緊要係減肥，個個女仔都想出嫁嗰日最靚，婚禮嘅嘢都搞得七七八八，多謝大家嘅祝福。」未來陳太，恭喜晒！