由俞承豪同蔡秀彬主演嘅韓劇《不是機器人啊》，港劇迷可於Viu上同步觀看。劇集噚日大結局，播出第31及第32集。劇集講俞承豪飾演嘅企業家金敏圭患咗人類過敏症，而蔡秀彬飾演嘅趙智雅就假扮機械人同俞承豪相處。

承接上集，俞承豪嘅童年好友得知俞承豪因為自己嘅背叛而令佢患上人類敏感症，故決心支持俞承豪繼續留喺公司。而俞承豪亦決定開記招自爆病情，以免再受到人威脅，俞承豪仲話自己因為機械人嘅出現，令佢嘅病情轉好，並決定公司喺接下來嘅日子，大力支持開發可以同人類溝通嘅人工智能機械人，並任命嚴基俊做為主理人。

而蔡秀彬嘅哥哥決定辭職，俞承豪極力挽留，仲親自到蔡秀彬屋企游說對方，蔡秀彬哥哥就話：「喺同我妹妹拍拖嘅期間，希望你公私分明。喺公司係我嘅議長，公司以外，我能把你當做我妹妹嘅男朋友對待嗎？」俞承豪答應對方要求，仲漸漸融入咗蔡秀彬嘅屋企中，終於過返啲正常人嘅生活，而佢嘅過敏症亦終於痊癒。

兩年後，俞承豪公司新研發嘅機械人正式登場。而俞承豪亦服完兵役，退伍當日即撲去見蔡秀彬，二人大團圓結局。

更多韓流，喺晒《娛果》
http://fb.com/appledailyent