當年今日

地產多聲道:盈暉臺睇樓客贏家具

蘋果日報 2002/01/04 00:00


潮流興睇樓有嘢送,較早前長實(001)荔枝角盈暉臺搞睇樓送家具抽獎,收到過千份參加表格,重喺日前頒獎,總共有4位得獎者,買家同睇樓人士各佔一半。盈暉臺嘅入伙紙預計短期內可以批出,發展商就喺紅磡海逸豪園漁人碼頭商場搭建緊一個新示範單位,估計月中可以開放參觀。到目前為止,盈暉臺已經賣咗近八成單位。
長實廣播道星輝豪庭增設嘅「明日之星深造獎學金」活動日前亦頒咗獎,3個得獎者各獲得10萬蚊獎學金,發展商重增設咗9個優異獎。
另外,過去每年都搞大型周年聚餐嘅美聯物業,今年就有改變,由各區(共分7區)自己搞番,總行就提供資助,重會喺今個月8號搞抽獎派對,美聯同香港置業會有近3000人出席,到時會送出過百份禮物,主要喺現金獎,最高達10萬蚊。
蘭西