（樂）假期個個球星都被影到同女伴嘆世界，但日前喺拉斯維加斯度假嘅阿仙奴前鋒禾確特，口味就與眾不同，竟然同基蘭基比斯加埋自己個孖生兄弟Jaydon喺泳池嬉水，仲要同Jaydon齊齊瞓喺張水上氣墊床，而禾仔仲瞓喺對方嘅臂彎上面㖭！之後3個人喺沙灘度，互相搽油推背，斷背味濃郁，唔知同志雜誌會唔會考慮徵用呢幾張相呢？
阿仙奴球員梳乎之際，高層就憂心下年合約到期嘅領隊雲格會走，據聞想同佢簽多8年長約，話晒有教授，冇冠軍都一定有前4吖嘛。不過，我求大俠認為兵工廠要攞多啲誠意出嚟囉，雲格近期開腔話想簽曼聯嘅朗尼，而愛華頓嘅費蘭尼亦係佢目標，高層識做啦！