向佐同2R嘅黃婉佩(Race)2009年撻着，二人拍拖短短約一年，向佐已帶女友見家長，最初向佐媽咪、向華強老婆陳嵐唔多鍾意Race，但後來相處時間多咗，慢慢接受對方，向太仲幫Race介紹轉行，向佐坦言喜歡Race性格乖又孝順，喺物質冇乜要求，「同我媽咪又溝通得好好」，而Race憶述第一次見向華強，心情好緊張，「向生外表好有威嚴，認識後就知道佢哋都好nice」。

點知當時Race同向佐熱戀期時，被爆原來2004年已秘嫁新加坡商人陳靖諧，之後Race同前夫斬纜離婚，可惜同向佐嘅戀情亦無疾而終，Race自從同向佐第二度分手後，Race淡出娛圈。

有傳Race向男方迫婚，向佐覺得自己事業先啱啱起步，所以拒絕咗， Race一怒之下就搬離向家大宅，事後當時Race出席活動憤然話唔投資就唔會出錯，感情跟賭錢一樣，冇得計回報，暫時唔想投資。