甜蜜教主王心凌前晚喺台北小巨蛋開演唱會，男友姚元浩坐頭位睇騷。明道、辰亦儒、張棟樑等5位偶像劇拍檔做嘉賓。心凌仲請埋媽咪合唱《心肝寶貝》，而王媽媽唱歌都好得喎！慶功時，問心凌幾時同男友好事近？佢笑話：「我有老公的時候會跟你們說。」另外，周渝民（仔仔）就懶理泰妹嘅一夜情搞大肚指控，恩愛拖老婆喻虹淵捧場睇騷。
撰文：馮仁昭