【爭冠不敢怠慢】莫雷拉踏出重要一步 落實同韋達加強合作
爭冠莫雷拉韋達林湛穎加強合作軍威振
今日(22日)是一年一度打吡大賽日,可惜因為武漢肺炎令全球大量民航航班取消,加上檢疫、隔離、鎖國封關等因素,令貝湯美、柏寶等打消嚟香港客串嘅念頭,間接令香港馬圈出現騎師荒。
全日只得17名騎師可以上陣,係今季數目最少嘅一次日馬,以沙田日馬出馬上限最多14匹計算,大部份場次只有三位騎師可以作臨時替補。
有啲好耐都冇合作嘅騎練組合卻因而久別重逢,其中一個例子係郭能同告東尼今個月重新合作,暫時合作三次,未有上名紀錄。
告仔今次再安排「莫浪求」同「曈曨光彩」畀郭能搏殺,「莫浪求」有近績證明,話唔定可以再次擦出火花。
由於騎師數目偏少,使好幾位支持度偏低嘅華將忽然多咗座騎,至少多咗策騎費同爭取獎金嘅機會。
莫雷拉同潘頓兩大高手係騎師榜鬥得燦爛,無論騎師人數多少都係照舊咁難book,練馬師想搵佢哋策騎,一般仍要至少三個星期前提出。
目前只領先兩場嘅莫雷拉,最近踏出重要一步,就係同韋達加強合作,今期策騎「軍威振」、「雷電勇士」、「將悅」同「有得精彩」,計劃下星期日(29日)出賽嘅「安承」亦會交由拉哥壓陣。
--------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度 --------------------------
《果GYM》隨身播 健身壹App過!
一按即玩