當年今日
關於我們
呂卓賢賀壽好精神
蘋果日報 2014/01/02 06:00
呂卓賢
好精神(2號)前仗贏同班同程,今次配上呂卓賢,有力補中兼替騎者賀壽。
禮拜日撞正係呂卓賢二十一歲牛一,佢有機會憑師傅姚本輝有心關照之「好精神」建功,為自己慶生。第九場「好精神」馬如其名,轉泥地後好生猛,四戰一冠兩亞,只得一場冇三甲,表現準過之前跑草地多多聲,五歲馬搵到最佳出路,負責訓練之姚本輝當然功不可沒。今鋪跑三班千二原本要孭頂磅,呢位食腦倉主計過度過,認為大熟馬家陣唔難發揮,用徒弟仔減幾磅除笨有精,於是索性換呂卓賢再攻贏馬路程,希望可以幫馬主執多劑之餘,更可以當送份生日禮物畀徒弟,一石二鳥!