今次（26日）快活谷夜馬，採用B跑道角逐，集中編跑三、四班賽事，谷草夜戰進入倒數，場地專家必把握機會盡拼，出馬踴躍場場滿額，形勢十分緊湊。兩大騎師潘頓、莫雷拉馬匹實力比較，以後者座騎實力較強，有機會連場報捷。

第八場三班1650米，「蟲草之星」跑沙田連場演出甚準，上仗初跑快活谷，從來未試過谷閘，抽二檔可惜早段唔夠快，沿途處於劣勢，但末段騎落肯追，收復不少失地。

今次抽外檔，對大步馬或者反為有利，體重回升也是好現象，同場有大樹遮蔭，換來分頭不妨追捧。

「好利運來」跑谷中一哩獲三冠兩季，路程專家，環顧同場對手實在不多，當然是爭勝主角。

「盛大光輝」前領有機會賺形勢，是三甲之材。「劍追風」加盟鄭俊偉馬房養得好，除去頭罩及交叉鼻箍，外地有成績都無須配件。

-----------------------------
7月4日起 《蘋果動新聞》只限升級壹會員閱覽
繼續撐蘋果！