西班牙經濟差，推出新政策吸引外國投資者，內地有錢人喺目標之一。西班牙當局近日開始實施「買樓換居留權」新投資移民法，購買價值50萬歐元（約527萬港元、416萬元人民幣）嘅不動產，即可獲為期2年嘅西班牙居留權，而符合簡單要求，居留權可不斷延期。

做西班牙人嘅條件，其實唔難，只要無犯罪紀錄，有穩定經濟來源就可申請。投資方法有四種：一，購買200萬歐元以上西班牙國債；二，購買50萬歐元以上嘅不動產；三，購買100萬歐元以上西班牙企業股票；四，西班牙銀行持有100萬歐元以上存款。

最吸引強國人嘅係，取得居留權後，配偶同未成年子女都可享有「西班牙人身份」，在歐盟國「自由出入境」，仲可以享受當地教育資源。內地網民睇到口水直流，「默默定為人生目標之一了」、「貪官獲知又一好去處」；亦有網民唔知真心定無意，「西班牙完了...」。