一向出名擁有魔鬼身材嘅韓劇《未生》女星姜素拉,早前落實接拍MBC新劇《心情好又暖》,而佢今次就喺新劇中飾演內衣公司嘅職員,唔知會唔會重演《未生》中示範內衣嘅惹火一幕呢?
今日,《心情好又溫暖》劇組公開一張新劇照,照片中姜素拉化身於內衣公司總務部工作咗5年嘅員工,而姜素拉就因為公事而忙得不可開交,被人話好似拍緊《未生》咁。
劇組表示:「姜素拉堅強同活力四射嘅性格帶動《心情好又溫暖》嘅拍攝現場氛圍,而且佢認真研究劇中角色並完美消化,請大家多多支持姜素拉。」
《心情好又溫暖》以濟州島為背景,講述一群年輕人離開壓力重重嘅城市到濟州島開創新生活嘅故事,新劇由《主君的太陽》編劇洪氏姊妹製作,將於5月初首播。
另外,姜素拉早前同男團iKON成員Bobby拍攝嘅飲品廣告今日公開新相,相中二人分別晒小蠻脹、長腿同腹肌,性感又健康。