【貓界熱論】主人挖耳時遭貓兒撞至失聰 事後將貓咪送養引爭議
蘋果日報 2020/06/25 00:03
豹貓貓界熱論
早前有網民上傳一張instagram限時動態的截圖，一名貓主人稱在家中挖耳朵時，遭6歲的豹貓撞到受傷，導致右耳失聰。事後不想再飼養該隻小貓，決定替牠尋家送走。此帖在網上廣傳後，引來兩極回應。有人批評主人做法不負責任，亦有人理解飼主或因傷勢而產生心理陰影，理解及體諒送走貓咪的決定。
該截圖遭廣傳後，引來網民熱烈爭論。雖然對事件所知的細節有限，但網民提出即使不知道主人失聰的程度，但若然確有此事，大眾又能否接受因貓受重傷而棄養的決定。反對飼主決定的一方指，主人在飼養豹貓前，應該了解牠們好動的性格，不應發生意外後就怪責貓兒。亦有人以生小朋友做比喻，認為若然親兒令你受傷，你都不會因而棄掉他。因此，因傷棄養貓咪的決定，亦不合理。但亦有一派網民理解飼主的決定，認為一旦是永久性失聰，主人無法子面對貓兒，亦情有可原。亦有人指相比將貓兒胡亂棄掉，飼主願意為牠尋家，確保貓兒有人照顧，是棄養中較人道的做法。事件擾攘至今，尚未知道貓隻的安排。如果你是當事人，你又會怎樣做？
部份反對意見：
「我喺隻狗休息時摸佢面，佢咬我咀(嘴)留下痕跡(迹)，我繼續養到佢善終。」
「你生個仔出嚟都可能打你，唔識教真係一開始唔好生唔好養，教到咁，6歲再棄養。」
「貓係貪玩，見郁郁就會撲出去唔出奇！我好_憎呢啲人，仲有豹貓有野性基因，比起其他貓野性高，本來豹貓生活喺野外，係人類自私將佢地混種變成家養貓！養任何動物唔該搵吓資料適唔適合，唔好一時貪隻嘢得意就養，唔好出咗意外就懶(賴)啲動物身上。」
部份支持意見：
「次次一諗起聾咗就諗起隻貓，遲早變虐待。嗱嗱聲送走佢起碼佢冇虐待，佢又冇周圍掟落街，加上佢有苦衷，情有可原。」
「次次一諗起聾咗就諗起隻貓，遲早變虐待。嗱嗱聲送走佢起碼佢冇虐待，佢又冇周圍掟落街，加上佢有苦衷，情有可原。」
「你可以接受（因貓受傷）唔代表每個人都可以，每個人對於痛苦嘅承受程度唔一樣。」
「失聰就真係慘咗啲，送人都算係人道（希望都搵到有質素嘅家長，如果唔係同做浪浪冇分別）」
「我相信任何事主對隻貓都有感情，但陰影嘅嘢好難講嘅。」
早前有網民上傳一張instagram限時動態的截圖，一名貓主人稱在家中挖耳朵時，遭家中6歲的豹貓撞到受傷，導致右耳失聰。
網民意見不一，有人理解其決定，亦有人指做法不負責任。
豹貓較一般家貓野性，有人批評飼養豹貓前應了解牠們的個性。