韓國天團BIGBANG成員勝利唔止喺演藝圈發展，更極具生意頭腦，先後開過咖啡店、夜店、拉麵店等。而勝利於日前播出嘅SBS綜藝節目《我家的熊孩子》中，就提到自己拉麵店嘅營業額高達7億港元，認真厲害。

勝利於節目中孖男星李尚敏到東京嘅拉麵店，隨後勝利亦提到自己嘅拉麵店，唔經唔覺其拉麵店已經喺韓國開咗45間分店。李尚敏亦相當好奇拉麵店嘅收益，勝利坦言：「每間店每個月嘅營業額都有2億韓圜(約140萬港元)，45間分店合共每年嘅營業額有1,080億韓園(約7.56億港元)。」令李尚敏震驚不已，感嘆勝利真係大個仔、有成就，仲相當認真咁問勝利：「公司仲有冇理事職位？我都有很多經驗，都想開間店。」引起爆笑。

精選韓流，喺晒《娛果》
http://fb.com/appledailyent