劉浩龍（師兄）今晚喺旺角麥花臣場館舉行演唱會，全場有8成入座，唔少圈中好友都有嚟到支持，谷德昭與女友林子萱、陳奕迅同太太徐濠縈、Eric Kwok、梁漢文、杜如風、黃偉文、Yumiko同女兒梁浸浸、劉浩龍嘅爸爸媽媽等等，最重要當然係盛傳分咗手嘅女友容祖兒都有嚟到支持，Joey坐第一行，仲前過劉浩龍嘅爸爸媽媽，仲係劉浩龍所有朋友之中坐最前嘅。

演唱會喺8點35分開場，一開騷以樂器奏出師兄多年來的歌曲結合嘅medley，劉浩龍著住拳手袍清唱《髒話阿七》，之後係《神啊！求你讓我睡》，唱完除咗拳手袍，入面係紅色長褸加裇衫，然後唱《舊人》，劉浩龍明顯瘦咗好多。喺唱《舊人》同《跳水》嗰陣，有啲走音，事後劉浩龍解釋係因為吸咗啲「毒煙」所致：「好慘囉，入去後台咳極都咳唔到嚿痰出嚟，自己好耐都冇上台，好耐冇試過『毒煙』纏身，所以搞到有幾粒音『好乸』奇怪。」

此外，噚晚劉浩龍唱《跳水》嗰陣，仲行去祖兒嗰邊嘅台前唱，唔知係咪送畀前女友聽呢？

精選娛聞，喺晒《娛果》
http://fb.com/appledailyent