繼早前九龍城區聯校舉辦誓師大會，九龍區多間學校，包括喇沙書院、九龍真光中學、培正中學等，聯同至少10間同區學校，今再於九龍塘又一城商場集會。超過300名同學佩戴口罩、身穿校服，並繫上白絲帶，在商場中庭高唱香港之歌，並高呼口號，又從商場高處散落罷課的傳單，呼籲同學們9月30日參與罷課。有同學看過昨日林鄭的社區對話，形容不滿她態度「好hea」，所以接下來仍會繼續抗爭。

集會於五時半開始，早於四時許，又一城多層已有穿著「Festival Walk」字樣黃色反光背心的保安駐守。集會以多句口號揭開序幕，同學高舉五大訴求手勢，高呼「五大訴求，缺一不可」，吸引大批市民駐足觀看，隨後學生帶領多次高唱《願榮光歸香港》、《肥媽有話兒》、《海闊天空》等歌曲，並在商場高處垂下兩條寫上「五大訴求」、「缺一不可」的標語。

就讀真光中五的陳同學及袁同學，指只計她們一班，已經有20多人參與這次集會。不過，兩人在受訪時多次激動落淚，全因感到絕望，「政府態度仲係好輕挑，好似我哋做啲咩都無用」。絕望的來源，不止政府，還有警暴。陳同學指以前並不留意時事，直至反送中事件出現，更顛覆了她一貫的價值觀，「我以前覺得警察形象好正面，維護呢個法治，但而家發現香港警察係泯滅人性⋯⋯我睇到有個警察係推人埋牆打，已經嬲到想熄電視，好傷心」。袁同學則對8.31太子站最深刻，「啲人已經無晒反抗能力，仲要兜口兜面噴胡椒噴霧，你咁樣仲做咩警察？」她哽咽著說。兩人均認為成立獨立調查委員會是目前的最大訴求，希望整頓現時警隊風氣。

被問到林鄭首場社區對話的表現，陳指她沒有誠意，「你想溝通就唔好擺咁高姿態，咁多防暴、速龍，就算中學生甚至街坊都未必有勇氣講想講嘅嘢」。袁則認為，對話是應該平等並誠心誠意，「每人限你3分鐘，周圍咁多警察，好似你講錯某啲嘢就會打你咁，咁算乜嘢對話？」

兩人雖然感到無力，但仍選擇出席今次集會，全因相信團結力量，「可能係好以卵擊石，但係歷史上有一段光輝嘅時刻，去證明我哋有抵抗過⋯⋯雖然我地唔係咩大人物，但係集合埋一齊就會做到啲有影響力嘅嘢」。

喇沙書院的中三生周同學，昨亦有出席九龍城聯校誓師大會，今天再度出席集會，「睇到差佬嘅行為真係好嬲，點解可以係咁打啲市民？咁無辜嘅市民都打！」而令他感受最深的同樣是8.31太子站事件，「警察應該保護我哋，但反而係傷害我哋，虐打市民，係好令人憤恨」。周亦有留意昨天林鄭的社區對話，形容她「好hea」，「都唔係回應緊市民意見，所以唔滿意，嚟緊會繼續抗爭」，他亦表明會參與下周一的罷課。

學界的「We connect」更感染到中大三年級生區同學特意到場支持，「一班中學生可能比我哋承受住更多壓力，佢哋都肯企出嚟，我哋大學生、甚至社會上任何一個人都應該要企出嚟」，望以行動向中學生證明他們有同路人的支持。被問到接下來數天會否繼續上街，她指「應該出嘅街我都會出」，「如果連街都唔出得，我真係無咩好講，但我會繼續做我認為啱嘅嘢」。

10荃灣中學周日集會

10間荃灣區中學反修例關注組成立荃灣中學生聯盟，將於周日（29日）發起在荃灣公園集會，聲援過去舉辦罷課遭到不公平對待及被捕學生，聯盟成員就讀中六的吳同學指，在過去3個月該區多間中學同學舉辦反修例活動，包括9月20日荃灣區聯校人鏈，當中發生不少突發情況，有人惡意「影大頭」、高空砸物等；亦有學校報警清場，事後出警告信予參與學生等，另外警方拘捕未成年學生時故意申請保護令，令他們被迫送到兒童院，「要佢哋即刻失去自由，唔知會造成咩陰影」。是次集會希望聲援所有曾遭不公平對待的學生，亦讓他們有「和理非」平台發聲，集會暫定在下午2時至7時在荃灣公園進行。讓中學生發表意見，抒發情緒，集會已獲警方發出不反對通知書，料300至500人參與。

-----------------------------

9.28五周年集會

日期：9月28日（星期六）
時間：晚上7時至9時
地點：添馬公園
註︰已獲不反對通知書

主辦︰民間人權陣線
-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰警方正式發信反對

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港