當年今日
關於我們

【三班輕磅勿睇輕】一心諗住跑谷草四班賽!「凱旋駿驥」補出隨時益咗黃皓楠

蘋果日報 2020/03/14 09:00

黃皓楠丁冠豪補出凱旋駿驥谷草四班賽

每當愛駒有份上陣,即使贏出嘅機會大定細,好多馬主都會專誠入場觀場。
賽前嘅指定動作就當然係落沙圈,觀看愛駒嘅臨場狀態,更重要嘅係聽練馬師同騎師嘅口風。
如果自己匹馬有幸由莫雷拉或潘頓等大紅人策騎,賽前同佢哋selfie,留下一個美好嘅回憶都係一大樂事。
雖然疫情持續,但仍有馬主入場打氣,佢哋亦自創一套新文化。
過往馬主喺沙圈一見到騎練就會握手say hello,但依家為避免身體接觸,佢哋改為舉高其中一隻腳,並微微向前踢,以示向對方問好;
另一個方法就係雙手手指交叉結合,即係同農曆新年拜年嘅動作一樣。
好多騎師習慣一見到馬主就會伸出友誼之手,包括潘頓,佢話香港馬主圈內依家套問好文化好有創意,亦反映港人轉數甚高。
佢同時亦希望香港以至全球嘅疫情盡快紓緩,馬場能再重現熱鬧嘅氣氛。
今期(14日)第六場三班1400米草地賽,丁廐隻「凱旋駿驥」因為正選馬「協進神駒」腳傷退上而補出,配上Jack黃皓楠。
「凱旋駿驥」本來已報名出戰下期(18日)谷草四班1650米,並列為正選兼強配莫雷拉,今場原本只係想拎保護權,今次能夠後備補出真係意料之外。
呢匹馬今季已連番跑近,包括季初(10月12日)喺同程追入季軍。
雷神今場要騎「大眾歡呼」,而Jack就忽然多咗一匹實力座騎,分分鐘有意外收穫都唔出奇。
撰文:林湛穎
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播  健身壹App過!
一按即玩