《雷霆掃毒》噚晚大結局，個劇講掃毒變咗講「掃黑警」，結局仲死得嘅都死晒，但係最奇係始作俑者、試過一日「死」六次嘅羅樂林，竟然唔使死。

當初唔係羅樂林吞贓，大家就唔使搞成咁；好喇，向Sir舉行葬禮嗰陣，明明HappySir林峯都唔篤佢哋出嚟，但羅樂林同林子善又自己走去自首，搞一輪最後走去自首，害死咁多人做乜。難怪有網民話，成套劇都係為羅樂林唔使死而拍。