吳嘉熙（Cheronna）今日到中環出席耳機品牌活動，穿上性感運動top走在跑步機上宣傳，仲話平時喜愛聽歌跑步，令心情更輕鬆。Cheronna閒來在健身房做運動出好多汗都會著bra top，但跑街就未必會，佢話：「早前又農曆七月，通常跑步都晚上，費事招惹....另一種危險，我個人就好安全，應該冇人對我有興趣 。」

Cheronna十一月會與隊友參與毅行者慈善行活動，在48小時內要完成100K路程，希望在大家冇受傷之下行畢全程，現時同隊友爭取齊人練習，曾試過上山後由天文台公佈預測驟雨到特變紅雨，水浸至膝頭哥要澗水而行，雖有危險，但不失為一個好嘅經歷。

隊友之一張惠雅（Regen）仍身在西藏旅遊，之前都遇到波折，Cheronna話；「大家有保持聯絡，知道佢行程中行咗條好神聖嘅路段，而且行程每年都有人傷亡，都好擔心佢，唔想佢死，好彩順利完成。」

精選娛聞，喺晒《娛果》
http://fb.com/appledailyent